我哋係⋯⋯？
關於生活節
船到橋頭生活節（Inter-island Festival，簡稱 IIF）係一個以香港離島海邊生活為靈感嘅文化節，慶祝散落喺海上、各有特色嘅島嶼文化。由長洲、坪洲，以至大嶼山嘅芝麻灣同梅窩，呢幾個港口之間本身就有渡輪連結，再加上環繞住佢哋嘅跨島之海，構成咗一個獨特又緊密相連嘅群島世界。
生活節由呢條「跨島航線」出發，集合唔同原創研究同創作計劃，從藝術、文化同生活角度，重新認識同想像呢個跨島群島。每一屆生活節都會帶嚟一系列文化活動，深入發掘平時較少被留意嘅在地故事，而好多項目，其實都係由島民自己提出、策劃同帶領。
我哋採取一種由下而上、貼地又好玩嘅方式，希望拉近島與島之間嘅距離——唔止係四個港口之間，仲包括同大海本身嘅關係。透過「群島」呢個視角，我哋想改變大家對香港離島同海域嘅想像：佢哋唔係城市邊緣、等發展嘅附屬，而係一個複雜、多元、自給自足嘅生活網絡；而所謂嘅「城市」，其實本身都係由一個又一個島嶼同半島組成。
自 2021 年 3 月同 2023 年 11 月成功舉辦兩屆生活節以來，跨島生活節已經成為香港鄉郊地區其中一個重要嘅公共藝術項目。
生活節由 Islanders Limited 嘅 Myriem Alnet、陳俊傑以及獨立策展人葉啟俊創立，三位創辦人均居住喺坪洲。每一屆生活節，我哋都會邀請來自四個跨島港口嘅在地策展人加入團隊，一齊策劃同行。
船上見，島上見。
我哋嘅故仔
首屆生活節
首屆船到橋頭生活節2021年3月26日至28日舉行，重點關注坪洲、梅窩、芝麻灣和長洲的藝術、傳統、自然和城鄉環境。超過50位合作夥伴舉辦了40多個活動，如導賞團、工作坊、裝置藝術、表演、工作室開放和放映會等。島上居民同為組織者、參與者、志願者和捐助者。超過10,000人參觀了節目。
第一屆希望各位島民同埋關注離島嘅人可以用生活節新鮮嘅角度，去更深入了解佢哋居住嘅地方，抽下啲時間搭吓隻橫水渡、好好咁享受吓呢趟慢船河、拜訪吓隔籬島、體會吓其他島民同離島文化嘅獨特之處。我哋誠邀咗所有參加者去經歷、保護同發揚離島生活。
首屆藝術節獲香港藝術發展局、信言設計大使、伍集成文化教育基金會資助，並獲島上多間組織和機構支持。
第一屆團隊
策劃
Myriem Alnet
陳俊傑
葉啟俊
創意團隊
Studio Orbit （美術指導、網頁設計 ）
4res（小冊子、標示設計）
施揚（撰稿、編輯）
地方統籌
黎穎欣（長洲）
陳希雯、吳若琪（梅窩）
生活節2023花絮
第二屆船到橋頭生活節於2023年11月4日至26日舉行，由坪洲、梅窩、芝麻灣和長洲所包圍的離島海展開，以五個主題去研究 (人類世離島、漂流生活、海岸感官、離島微歷史、非人類島民)。超過50位合作夥伴舉辦了70多個活動，如導賞團、工作坊、裝置藝術、表演、工作室開放和放映會等。島上居民同為組織者、參與者、志願者和捐助者。共超過10,000人參加。
第二屆除咗由橫水渡連接嘅離島之外，生活節引領咗大家思考包圍同滋養呢幾個地方嘅離島海。 坐上橫水渡，探訪其他島民，參加生活節各式活動，慢飲慢食慢行慢睇，察覺之前未有發現嘅離島人事物，融入香港島嶼嘅獨特氛圍。探索海洋同陸地交界嘅奇妙社區同生態，聆聽離島環境嘅樂韻同節拍，忘卻浮華嘅未來大島夢，感受實在嘅當下小島鄰里同大自然關係。生活節嘅陣容鼎盛，當中有好多朋友都住喺島上面。佢哋喺生活節舉辦嘅活動，會帶大家體會香港離島嘅本質，離島上嘅人和其他物種，以及海陸之間嘅生活。 睇吓生活節嘅建議路線，感受生活節嘅精彩活動。睇定船期表，輕裝遊島，期待生活節嘅種種發現和偶然。
第二屆生活節獲信言設計大使、伍集成文化教育基金會資助，並獲島上多間組織和機構支持。
第二屆團隊
策劃
Myriem Alnet
陳俊傑
葉啟俊
地方統籌
渡日書店（長洲）
楊婷婷（芝麻灣）
區芷綾、楊婷婷、 VIBE Book & Music Shop（梅窩）
盧季明（坪洲）
創意團隊
Noah Workshop & Right Noise（美術指導、網頁設計 ）
十六不搭有限公司（編輯及翻譯）
施揚（撰稿）
義工統籌
林玥臻
團隊
船到橋頭生活節由Myriem Alnet（阿Mei)、陳俊傑和葉啟俊成立。三人均為坪洲街坊，住咗好幾年。眼見呢幾年同將來有機會出現嘅劇變，我哋想搞呢個生活節去連繫所有珍惜呢個地方嘅人。阿Mei係個城市研究者，阿傑係坪洲「南灣書店」及坪洲戲院管理人之一， 阿俊係個藝術家同策展人。阿傑同阿Mei創辦咗一本有關離島嘅雜誌《ISLANDERS 島民》(現為ISLANDERS島民及南灣書店），而阿俊亦都有喺坪洲搞過小型藝術活動。三人希望更進一步，為小島的文化生活出一分力。
生活節創辦人葉啟俊、陳俊傑及Myriem Alnet
第三屆團隊
在地共同策展人
渡日書店（長洲）
楊婷婷（芝麻灣）
金相沃（梅窩）
盧季明（坪洲）
主要贊助商（截至 2025 年 12 月）
信言設計大使
社區伙伴
香港藝術發展局*
*香港藝術發展局支持藝術表達自由，本計劃內容並不反映本局意見。
