撐我哋

2026年船到橋頭生活節想邀請大家一齊重新用「羣島」嘅角度去睇坪洲、大嶼山同長洲呢啲離島——流動、親密、共生。​去到第三屆 2026 年，我哋延續同加深以前問過嘅問題：點樣辦一個唔單只係「好玩」嘅節日，而係成為一個培養同街坊、隔離島、成個群島共處嘅機會？

 

因為咁，今屆我哋同以往一樣，唔接島外商業贊助，唔依靠拉高旅遊數字嘅資金。而係直接向你——關心離島社區、對慢慢嘗試嘅公共文化藝術節有興趣、相信藝術可以紮根喺日常嘅人 —— 發出眾籌邀請。

​

啲錢會去邊？我哋已經有藝術發展局、信研設計大使同社區伙伴嘅資助，去展開IIF2026嘅籌備工作。你嘅支持，喺 2026 會帶嚟：

 

• 公道同透明嘅工作酬勞同製作成本（約35%嘅群眾贊助資金）；

• 更多科學研究與藝術創作嘅結合，回應離島發展同生態變化（約35%嘅群眾贊助資金）； 

• 同島上居民、地方小店、社區工作者之間嘅長遠合作（約15%嘅群眾贊助資金）；

• 為未來研究做嘅生活節紀錄（約15%嘅群眾贊助資金）。