船到橋頭生活節將於
2026年11月
再次起航！
一齊睇下點樣參與啦。
四個街渡碼頭，共同組成一個羣島
今次好肯定！船到橋頭生活節返嚟喇！2026年11月，我哋將會有第三屆生活節。
今屆生活節想講一樣島民一早就知嘅事：跨島地區唔只係地圖上幾個分開嘅點，而係一個彼此連結嘅羣島。渡輪、潮汐，仲有人、物產、信仰、儀式同想法嘅流動，一路塑造呢個獨特嘅地方。
喺「城市」出現之前，呢啲島嶼已經形成一個自給自足、互相依靠嘅世界。到今日，呢種連結依然存在——喺一次又一次嘅船程裡面，喺資源同習俗嘅交流之中，亦喺島嶼生活特有嘅節奏同空間感入面。
2026年船到橋頭生活節想邀請大家一齊重新用「羣島」嘅角度去睇呢幾個離島——流動、親密、共生。如果我哋唔再將離島視為城市嘅邊緣，而係一個獨立於城市、連成一體、仍然生長緊嘅地方，又會睇到啲咩新可能？
由長洲、芝麻灣、梅窩到坪洲，一齊加入呢個由海帶住我哋走嘅故事。
我哋去緊邊？
Mark 實日子先！喺2026年11月正式啟航之前，我哋仲有幾個重要日子要睇實。
2026年2月中至4月
捐款開放中！撐我哋延續過往生活節嘅規模，亦確保每位合作夥伴都得到合理報酬。
2026年4至5月
公開徵集企劃！歡迎提交喺坪洲、長洲，或者大嶼山（梅窩、芝麻灣）舉行嘅活動構想。
2026年10月
活動開始接受報名。導賞、講座、工作坊、放映⋯⋯記得留位！.
2026年11月
藝術節正式展開！以觀眾、創作人或者義工身份，參與為期一個月嘅生活節。
我哋之前做過咩？
船到橋頭生活節以連接坪洲、梅窩、芝麻灣同長洲嘅渡輪為靈感，希望連結同延續香港西南沿海多元又獨特嘅島嶼文化。
我哋相信，每個島嶼都有自己嘅節奏同生命力。生活節希望支持由島嶼出發嘅研究同創作，透過演出、導賞、工作坊、展覽等形式，慢慢發展屬於呢片海域嘅故事。以下係過往兩屆生活節（2021 年 3 月、2023 年 11 月）入面誕生嘅部分精彩項目。
展覽—社區 Photo Booth
認識下我哋
2026 年生活節嘅策展同籌備已經開始，
以下係目前加入咗嘅團隊成員：
資助（截至 2025 年 12 月）
信言設計大使
社區伙伴
香港藝術發展局*
*香港藝術發展局支持藝術表達自由，本計劃內容並不反映本局意見。
點樣一齊玩？繼續碌落去睇睇！
